Cara Orang Jepun Tidurkan Anak.

Sale male sale Jumaat semo, kali neh kawe nok tunjuk caro ore2 Jepun wat tido anok2 dio. Hahaha. Lawok bokali caro neh. Tapi mano la tahu key, kot2 jadi. Kepado abe2 kakok2 hok ado anok kecik, bulih lah tera caro neh. Caro nk wi anok kecik tido. Hahaha.

Hahahahahahaha. Sakit perut kawe kelih gambar neh. Hoh! Kalu ado hok tera doh caro neh bulih la oyak jadi ko dop. Kakakakaka. Sekian sajo dari kawe. Yak Boktey!

Sepatoh Duo Kato.

Sale pete Jumaat sumo, takdi kawe duk jale2 blog ore pah terjumpo la so entri neh. Entri hok oyak pasal pepatah pepatih. Kawe sero nok kongsi la sini ugok. Mari la kito pakat2 baco. Kalu ado hok sedak lagi gak mari la tamboh. Hehehe.

1. Harga yang paling mahal bagi sebuah pengorbanan adalah meminta dihargai

2. Kita akan sakit jiwa jika mengharapkan terima kasih daripada orang yang kita bantu, kerana hakikatnya ramai manusia tidak pandai berterima kasih.

3. Pengorbanan pun memerlukan kebijaksanaan kerana dalam berkorban tidak semestinya diri sendiri terkorban.

4. Ramai ibu yang terlupa hakikat perlunya dia kuat dan sihat untuk menjaga kesihatan anaknya.

5. Kita tidak perlu sakit untuk memberi orang lain sihat dan tidak perlu jadi miskin untuk membantu orang miskin

6. Kalau orang lain tidak menyayangi kita, mungkin itu petanda selama ini kita juga selalu tidak menyayangi diri kita sendiri.

P/s: Ayat2 sedak neh di kaut dari blog IsuHangat.

Nate Tino Bunuh Nate! (16SG)

Sale slamat male sumo, kali neh kawe nok update blog paka gambar. Toksey kecek banyok, nok tunjuk gambar jah. Gambar nate tino hok bunuh nate.(Anok itik). Sangat2 sadis molek ko anok itik tuh, sapa ati nate tino tuh bunuh dio. Toktahu la gapo saloh anok itik tuh tapi gak neh la, ore kato baso nate tino takdop ati perasaan.

Kalu hok tokleh kelih gmbar ekstrem lajop tuh toksoh bimbey la, gambar di blur doh.. Neh nok tunjuk neh. Meh pakat kelih.



Sangat2 nyekso molek. Anok2 itik neh keno cekik nga kaki pah keno pijok2 pulok sapa lah hancor. Sekso molek. Isk3!





Baso tino takdop perasaaan! Takdop perot pedal! Puihhhh!

Akhir kato dari kawe, jange la kito turut erey pangai babi supo tino neh. Berbuat baiklah kito ko nate walaupun nate tuh bukan nate hok kito pero. Sesungguhnya Allah sayangkan mereka yang sayangkan makhluk hidup lain. :D

Oh tok ingat plok, trade mark kawe. Yak Boktey!

P/s: Gambar dibawakan dari Portal BeritaMaya.

Tange Seliuh Mujo Tok Patoh Jah

Hoh, neh kawe nk cito sikit la, takdop gapo pong bena cumo nk oyak tange kawe seliuh jah mujo tok patoh. Cito dio gini bena, smale kawe g maen futsal pah posisi kawe jd golly ataupong lbh femes gak ore panggey gol keeper.

Maen punyo maen pah ado la nate beruk sekor g sepak bola derah nk mapuh. Kawe pong tehe la tp toktaw gano la bulih seliuh tange neh. Jem krem tange kawe smale, sakit do'oh wooh. Sero pow nk jerik pong ado, mujo kawe ook jah. Hahaha.

Pah lowni gak duk balut nga bandage la tange kawe neh, mujo tange kiri jah. Kalu keno tange kane gak tok nulih la kawe, nulih nga keyboard bulih la, nk nulih nga pen/pensil tokleh la kalu keno tange kane.

Hok tuh jah kawe nk oyak bena, mitop2 tange neh cepat sia la. Hehe. Sekian smoga tange cepat sia. Yak Boktey!

formspring.me

Nak tahu pasal aku? Meh2 tanya. http://formspring.me/mrxlonely

Rancangan Hibure Mee Segero

Hoh! Sekali lg kawe nok nulih. Nulih pasa rancangan hibure lowni neh. Banyok lajop la wei rancangan realiti neh, supo Akademi Fantasia, Mentor, My Gangstar LG dan banyok lg lah. Tok cekak kawe nok taip banyok, kawe raso demo pong tahu rancangan realiti hok laen selaen hok kawe tulih tuh.

Neh adolah pendapat peribadi kawe, takdop keno ngeno ngn gapo2 ataupong dihasut oleh mno2 pihok. Kawe sediri hok nok tulih neh. Iklah dari hati suci tulus murni kawe. Hahaha.

Bagi kawe lah, rancangan Akademi Fantasia ataupong lebih mudoh ore panggey AF neh koho lamo koho ngarok, mulo2 musim petamo, keduo nga ketigo tuh bulih kiro jugok la tapi pah2 tuh gak ho lah, koho kubey lembey. Peserto pong napok koya jah tamboh2 sek2 neh tahu belako kamera duk nyuluh dio. Ado hok koya semak pah ado la hok koya comey.

Tok abih sekat tuh, ado pulok hok tunjuk perangai supo cih. Nok manjo2 la, nok jerik2 la, teringat ko mok ayoh la, tringat ko kambeng lembu kuba kapong la. Takdop pekdoh jah belako tuh, doh tau doh nok masuk AF keno la bersedio. Isk3. Tok cekak nok oyak doh kawe pong. Ore2 kito neh so lagi, duk oyak jah nok boikot, toksey kelih doh tapi realiti bena padahal duk ngadap ugok program goni. Nok wat gano, mulot oyak laen tapi hati kato laen. Gitu lah ore kito.

Pade doh dulu sekat neh, demo baco pong bukey pehe pong. Hahaha. Gapo2 komen la keyh. Sekian salam program mee segero dari kawe, Yak Boktey!

Sale pagi sale male sale ukhuwah.

Hoh, ngatok doh weh kawe pong. Jam lowni mnunjukkan pukul 2.50 pagi.(Maso kawe naip neh la). Jak takdi lg kawe on9 tp toktahu nok cari gapo, abih kawe bukok, Utube, blog2 ore, twitter, fesbuk, chatting YM, dgr lagu, donlod game, donlod cito sapa ko takdop mugo doh kawe nok cari. Nok oyak dasyat nyo puah neh. Sero nok buat blog lain pong ado td tapi kawe kontrol jah sebab mikir kalu wat blog lain takot bazir jah buat blog banyok2 tp tok guno pong.

Kawe raso pade la sekat neh jah. Lowni pong uje turun lebat gilo, sedak kalu tido time2 neh pah ceroh esok. Hahaha. Gudnite eberibodi dan sambutlah sale pagi sale male sale ukhuwah dari kawe, Yak Boktey!

JomGegeyGegok bersamo JomHeboh.

Hoh tudia, kalu demo ore alek Pata Timur neh bokali tahu la pasa JomGegeyGegok hok baru jah abih maring.(Sabtu 27 Mac 2010). Bokali ore alek lua pong tahu pasa neh. Takpo lah, takdok hal lah mano mugo goni.

Mugo neh first time mari Kelate, ore pakat g ari Komih lagi, rama sungguh supo lautan manusio doh kat stadium tuh. Kawe g lah ari Jumaat sebab mok kawe ado bukok gerai situ. Panas ceng ceng woh dohla jale jem nok mapuh. Kalu jale supo semut slow2 pong takpo doh, neh gak lekat tok gerok pah sudoh. Kalu ore nok beranok kawe sero bulih doh tulih tempat bersalin anok dio tuh 'Dale Keto'. Hahaha.

Hok tuh jah kawe nok oyak nyo, tulih panje2 pong buke ado ore nok baco pong. Hehehe. Gapo hok kawe bulih oyak gak, ore Kelate neh supo lapa ko hiburan, tapi takpo la hiburan pong jange over lajop. Woh ngelah dari kawe, majulah anok Kelate untuk negeri tanoh tumpoh daroh kito. Yak Boktey!

Kuat Teh Nulih

Hahaha, sekali lagi kawe nulih. Puah etep duk sajo dimale buto neh.

Minggu depe start coti doh, epi weh bulih cuti neh. Kawe start coti ari Senin sapa ko ari Sabtu depe nuh. Demo hok lain coti ari Selaso sapa Rabu pah Komih ado kelah pulok tapi kawe takdop, suko la weh. Hahaha.

Hok tuh jah kawe nok oyak nyo. Cito pasal coti. Demo hok baco blog kawe neh takdop nok g mano2 ko coti neh? Jale derak ko g melancong pah lua negaro. Wat gano demo2 key kayo belako, kawe jah hok make kayo buh atah roti Gardenia. Hahaha.

Sekian dari kawe, Yak Boktey!

Sero nok nulih lagi

Hoh! Sekali lagi kawe nulih. Sajo jah dey puah ni gak. Dop tahu gapo bena nok tulih tapi tulih je la gpo2 pong. Bukey ado ore nok baco pong. Hahaha.

Padey la duluh, nok tubik g derak pulok. Dari kawe, Yak Boktey!

Sajo nok ngeteh!

Hoh! Blog neh kawe bukok sebab nok ngeteh jah. Takdop gapo2 pong bena. Kalu demo ado termasok gak wat bue maso jah wei. Akhir kato, jange peningkan palo dengan masaloh hok kubey lembey. Yak boktey!